جدري الاغنام منتشر جنوب بغداد

من خلال جولاتي الصباحيه للتحري عن الامراض وتأشيرها يوميا و لليوم الرابع في سوق الماشيه جنوب بغداد في الساعه السابعه صباحا تأكد لدي وجود اصابات بجدري الاغنام النوع الجلدي وليكم جانب من السوق اتمنى لكم جوله ممتعه


[ندعوك للتسجيل في المنتدى أو التعريف بنفسك لمعاينة هذا الرابط]

السلام عليكم د جمال ...شكرا على الصور الجميله .....بس السؤال ....هل كانت الجوله رسميه ضمن الواجب الحكومي للتحري على الأمراض روتينيا أو كانت جوله شخصيه من أجل شراء خروف للثواب بمناسبة عاشورا ؟ ....لو كانت أحدى الصور لأظهار أفة الجدري من جسم الغنم لكان الموضوع منسجما مع العنوان ولكن نحن نثق بك وفعلا أنا أضم صوتي لك وكذلك هناك حالات لمرض الحمى القلاعيه للأبقار والأغنام والماعز ....

السلام عليكم دكتور جمال الغالي
لقد صعقني عنوان الموضوع واتيت مسرعا لارى مالذي حصل ..المثل العراقي ...مكرووهة وجابت بنية ...يعني لم افهم كيف استنتجت بانه منتشر ؟ انا اراك شيك اليوم طالع دكتور وكانه عندك موعد مهم ؟ الله يبعدنا من هذه الامراض وغيرها التي تصيب ثروتنا الحوانية . فبالتاكيد يمكن تشخيص المرض سريريا وانت صاحب خبرة بهذا المجال
ولكني ارجوا ان تغير عنوان الموضوع دكتور وتجعله
جولة سياحية بين جزر الثروة الحيوانية التائهة
الصور الان بخدمتك ارسلها لك من جديد

[ندعوك للتسجيل في المنتدى أو التعريف بنفسك لمعاينة هذه الصورة]

مع تحياتي

الاخ العزيز دكتور عزيز مال الله المحترم تحيه وسلام واني خجلان منك هوايه بس ادري بيك ابو قلب الطيب تسامح وتغفر اعزك الله اما بعد
من عوايدي اليوميه الذهاب الى الجوبه وبدون انقطاع قبل الدوام الرسمي ومنذ الساعه السادسه صباحا ومنذ خمس سنوات مضت ولحد الان ومستمر انشاء الله على هذة الطريقه صيفا وشتاءا في الساعه الخامسه صباحا عدى يومي الاثنين والجمعه عطلة الجوبه و قد كتبت عن هذا الموضوع كثيرا ومنها في هذا المنتدى وزملائي في بغداد يعرفون هذه طريقتي واحيانا يكلفوني اجيب الهم طليان بدربي واخرهم دكتور مصدق عبد الكريم الذي يعمل بقسم اللادويه بالشركه العامع للبيطره قبل العيد وكان يسألنني عن الاسعار والغرض منها تحري الامراض في الاغنام والابقار وتسجيلها وابلاغ الدائره يوميا ووضعت سجل اكتب فيه ملاحظاتي اليوميه وهو نوع من انواع البحث والتوثيق حتى صرت اعرف كل المربين والقصابين والرعاة والرباطه للطليان والعجول في بغداد ومحافضات الجنوب واجيبهم على استفساراتهم واسألتهم واوثقها ويمكن فد يوم انشر كتاب بهذا الخصوص انشاء الله ,, طبعا المستوصف يبعد عشر دقائق عن الجوبه وقبل الدوام بربع ساعة اتحرك على المستوصف والمراجعين يلحقوني الى المستوصف لاخذ الادويه والقاحات التي يحتاجونها من المستوصف وحسب حاجتهم ولايمكن الانقطاع لان التلفونات تشتغل ولا استطيع حتى اخذ اجازه فبأي وقت يجون للمستوصف ونحن في المستوصف نقوم لهم بالواجب من الساعه الثامنه وحتى الساعه الثالثه واحيانا نستمر وره الدوام وصار الموضوع موضوع التزام وانته تعرف طبع الغنامه ومربي الابقار والجاموس بحيث اروح للبيت وعدل للفراش انام وارجع للمنتدى

اما بخصوص صور لحالات الجدري والحمى القلاعيه وغيرها فأ،ن المربين يطلبون مني السكته حتى يبيعون حلالهم ويمشون امورهم واليوم من اخذت الصور كالوا ها شنو القضيه كلتلهم ماكوشي بس عجبني اصور كالوا خوش
تعرف مقاهي ماكو ونوادي ترفيهيه ماكو ونقابه ماكوا وشباب ماكو ما بقه بينه شيئ يذكر صرنه ستوك فتفرغة لهذا الموضوع وستحسنته وخير الناس من نفع الناس وهيه هاي القصه ارجوا ان تكون قد اعجبتك ياحبيب قلبي الغالي
والسلام عليكم

حبيبي دكتور ميثاق المحترم و والمثقف والعلمي والصريح تعجبني سخصيتك واني معجب بيك من كل النواحي
اشكرك على مرورك على الموضوع( بالمناسبه هذة العباره الجميله تعلمتها منك) ارجوك اقرأ ما كتبت جوابا على الغالي دكتور عزيز وراح تعرف شنو القصه
اما بخصوص جدري الاغنام صحيح ما تفضلت به والقاح متوفر ولكن بعد فوات الاوان حيث تأخر القاح قليلا بعد حصول الاصابه وعلى كل حال نحن مستمرين بالتلقيحات ولكن تحليلك في مكانه فأن المربين نحسين شويه وانقائيين وتاخذهم حجايه وتجيبهم احجايه وان المربين لا يستحسنون اللقاح التركي ويفضلون العراقي رغم الشروحات ووسائل الاقناع ولكنهم عناديون
اما بخصوص الخطه فمستوصف جرف النداف حديث العهد وعمره سنه واحده ويغطي مساحات واسعه ويضاف له قضاء المدائن لعدم امكانية فتح المستوصف للامور تعرفونها
وعلى كل حال قبل كل مرض ومنذ ثلاث سنوات خلت صرت اطبع مطبوعات ادعوا فيها المربين لمراجعة المستوصفات لغرض تلقيح حيواناتهم في اي مستوصف قريب منهم ونجحت التجربه نجاح كبير حيث صارت الورقه المطبوعه يعتبروها وثيقه مراجعه يضهروها للمستوصف الذي يراجعونه لغرض الحصول على اللقاحات وتعودوا على ذلك لذلك طلبت نشر التلقيحات الوبائيه على تايتل العراقيه
وعلى مدار السنه لغرض عدم تكرار التلقيحات وبنفس الوقت تحضير اللقاحات قبل حصول المرض على الاقل بشهرين مما يدعوا المسؤولين الى التحضير للمرض قبل حصوله بدل حالات الترقيع الحاصله في اجراء التلقيحات للحيوانات المختلفه وايضا ستكون ثقافه حضاريه تنقذ الثروه الحيوانيه وترفع وتعزز ثقة الاطباء بالمساولين وبنفس الوقت تضع الاطباء ازاء مسؤلياتهم مما يجعل المجتمع العراقي ينظر للطبيب البيطري نظرة احترام واكبار
وشكرا لكم حبيبي مره اخرى ونحتاج دعمكم

الاخ العزيز د جمال المحترم أقول لك أنا مريت على الصور 10 مرات وبعدني ما شبعان منها والحجي بيننا بعدك شباب ...والله صور حلوه بالبدايه قلت شلون أقنع هؤلاء البشر أن يأخذ صور معاهم لكن من قرأت ردك عرفت بأنك لك علاقه قويه بهم وخاصة الأخير الشاب أبو اليشماغ الأحمر وكأنه صديقك من زمان .....أويد كلامك وكلام الأخ د ميثاق بعدم ألتزام معظم المربين بتاريخ التلقيحات الوقائيه للأمراض الذي هو أهم من التلقيحات الوقائيه العشوائيه التي يقوم بها المربين أثناء حدوث المرض أو بالغيره من جيرانهم من المربين مما يأدي الى مشاكل المناعه رغم أعطائهم بطاقة التلقيحات الوقائيه لمدة ثلاثة سنوات متتاليه

الاخ العزيز تاج راسي دكتور مهند المحترم
فعلا اليوم مثل كل الايام ومنذ 35 سنه البس وتهندم وحط ريحه و اتواعدني ومتجي ما ادري ليش اشبينه احنه منعجب يعني لوشنوا القضيه ما ادري الله كريم هم فد يوم وتجي نصبر وهاي هيه شنسوي ما بدينه شي ارتاحيت هسه حبيبي

اما بعد
تره الثروه الحيوانيه بخطر وبعد ايام راح يظهر مرض طاعون المجترات الصغيره وللاسف وهو مرض يؤثر كثيرا بالحملان والكبار ايضا وصار مرض متوطن لا زم انسوي جاره وناخذ الاحتياطات لانه صار سنتين يضرب المنطقه ويسبب اضرار كبيره والمربين فقدوا الثقه بالاطباء البيطريين رغم عزوفهم عن تلقيح حيواناتهم لانه القاح كان متوفر قبل ثلاث سنوات لكن شنسويلهم رغم كل محاولات الاقناع ولكن دون فائده معقوله
ولذلك اطالب بنشر التلقيحات الروتينيه من عل تايتل العراقيه ولكن ولا جواب والله كريم
ممنون منك كثرا حبيب قلبي الغالي

د. جمال الغالي
شكراً على مساهمتك و بعدين من خلال صورك اني صحيح ما قدرت اشوف آفات الجدري
بس شفت صور حضرتك و ذكرتني بوالدي كان يشبهك شويه
الله ينطيك طولة العمر
اني بس احب انبه على انو هذا القسم غير مخصص للمساهمات وانما فقط للتعليق على الاخبار اللي انشرها
واذا عندك خبر و تحب تنشره فأرجو ان ترسله الي بالاول على ايميلي
شكراً على كل حال
و تحياتي
هناء

دكتوره هناء المحترمه كل عام وانتي بألف خير وانشاء الله سنة 2010 سنه حلوه عليج

اما بخصوص طلبك فأ نتي تأمرين وصار وأف صار وتدللين وبعد ما اسويهه ابد

ارجوا ان تعتبريني بمقام ابوك المحترم في هذا المنتدى ممكن ,,حتى اخذ راحتي بالحجي منا وغادي ,, اب منو يكدر يحاجيه بعد

بالنسبه الى صوري ردت اشوف نفسي الكم والزملاء صار هوايه مشايفيني والماشايفني خلي يشوفني بلكي اعجبه,,, تره هذا الموضوع يعني حجه بس اسوي دعايه لنفسي ,,, ميخالف وهم بعد ما اسويهه ,,, خوش

بالنسبه لاظهار الاصابات بالجدري لايمكن ان اصورهه في سوق الماشيه لانه راح ينكسر السوق ولا راح يضل واحد ايبيع ويشتري ولاح يخرب السوك ترضين طبعا مترضين

بالمستقبل اصور الحالات المرضيه في المستوصف وفي مواقع الحقول وارسلها لحضرتك زين هاي لاح اسويهه خوش

كل عام وانت بخير
يشرفني اعتبرك مثل والدي و شكراً على التفهم
تحياتي