الاستاذ الدكتور محمود عبد الرحمن

احد الاساتذه الاجلاء
رحوم عطوف على طلابه
من احد اعلام الطب البيطري في العراق الذي اسس قسم الولاده البيطريه في كليه الطب البيطري في بغداد
كان يفتخر بان لديه خمس مجسات في يده (اصابعه) والتي تحدى معها جهاز السونار عندما بدء باخذ حيز بين اجهزه تشخيص الحمل
لم اذكر انه قابل طلابه بشيء غير الابتسامه العريضه التي دائما وفي احلك الظروف كانت مرتسمه على شفتيه
فتحيه اليك يا استاذنا المعطاء
هل تتذكرون يا اخواني هذا الاستاذ الجليل؟

ادري هي حزوره
مو تعرف صار النا قرون برا
خلي صورته
من فدوه اروح لصورتك

السلام عليكم
يمعود دكتور وليد على بختك خلي صورته لانه دكتور عيسى معصب ليش ما اعرف ؟؟؟؟؟؟؟؟؟؟
لا وبعد يحجي على صورتك هههههههههههههه

ههههههههههههههه
لا ساره مامعصب والله
مااكدر اعصب وي ابو حمزه
بس انتي تعرفين الاسماء تتشابه وماتبقى بالذاكره
فلو كانت صورته موجوده يمكن استدعي ذاكرتي وارجع فد 17 سنه لي ورا
منوره ورده

السلام عليكم
يابه تره اعذروني اني من البارحه مطلعت من المنتدى
عيوني ساره خلي ل ابونور براحته لان اعرف هو كلبه طيب بس والله لوعندي صوره ل د محمود كان مقصرت
اي اني ادري عيسى كبر بالعمر وبدا ميتذكر هههههههههه
هسه الا اكلك اتذكر كليتنه دربونه دربونه وزويه زويه
هاي المساهمات محد يتفاعل وياهه اي شبيكم اخوان القدامى والجدد يمعودين متذكرون؟

تحياتي

ههههههههه
هاي قويه مال زويه زويه
ايبا
طلعت تخوف
وتكول انت عل نياتك

ههههههه

الا اذا شنو ساره ؟
والله ما ابالغ اني عشت هوايه بالكليه طالب وتدريسي

تحياتي

ههههههههههههههههه
عيسى ليروح بالك بعيد هههههههه
والله اني فقير
راح هسه اروح عندي حفله بالدائره مال اعياد الميلاد راح اصورها واخليها على المنتدى لان قسمنا الصحه الحيوانيه منظمها.
تحياتي

والله ساره اني ما افهم لغة الالغاز
احسبي اني بالكليه من سنة 82 تخرجت بترتيب الثالث على دورتي 87 حصلت على الماجستير سنه 92 ادويه وسموم وبقيت عضو هيئة تدريس في قسم الادويه في الكليه لحين خروجي من العراق سنة 96
احنه دوراتنه اقصد دورات الثمانينات اشتركنه في البحوث من صف ثالث واحيانا كنا نبقى في الحقل لو المختبر لحد ساعه 10 ليلا
اني ما كنت ارغب ان تكون هذه المساهمات عن اساتذه كلية الطب البيطري عباره عن مراسلات بين الاعضاء لكن الظاهر محد ديتذكر اساتذتنا الاعزاء

تحياتي

لا عزيزتي ساره ابدا ليش دا اخذ على خاطري بالعكس اني فخور اندل كليتي اللي عشت بيهه احله ايام حياتي وهذه الفتره كانت مفعمه بالعلميه والحيويه والاصدقاء اللي لا زالوا اعلام للمهنه مثل د حذيفه ود جليل عبد غاطي ود مهند

فعلا اني اخوف علميا واللي يعرفوني يعرفون قابلياتي العلميه والحمد لله بيضت وجه كليه الطب البيطري ككليه اساسا تخرجت منها طبيب بيطري بكل بلد اروحله وبكل موئتمر اشارك بي
اللي يعيش هذه الفتره الطويله في الغرب ويعايش المجتمع بتفاصيله يكدر يعرف فعلا معنى الوفاء والاخلاص اللي مع الاسف جااااااااااااااااااااااااااااانت موجوده بمجتمعنا
عزيزتي ابد لا تنحرجين تحدثي بالي تفكرين بيه وبدون تحفض من حق اي شخص يساءل خصوصا انتي والزملاء الباقين ميعرفوني

اخذ راحتك عزيزتي
تحياتي

اشكرك د هناء وبارك الله فيك
اود ان اسالك هل مازال د محمود بالكليه
شنو اخبار د علي الخياط والباقين بقسم الادويه
تكدرين توصلين سلام للجميع خصوصا د علي د نضال ود دريد ود كامل

تحياتي

السلام عليكم جميعا
أكولك وليد .... هسه أنت شنو مدوخ روحك .....
أشو الحمد لله و الشكر ... صار خط طيران مباشر من أستوكهولم بالسويد الى العراق مباشرة
ليش ما الله يهديك , و تسويلك روحه عالسريع , و تروح للكليه و تشوف كل اللي انت مشتاقلهم , و بيك خير و روح شوف كل الدرابين و الزوايا بأشكالها الثلاثه ( القائمه و المنفرجه و الحاده ) .... هههههههههههه
بشرفك مو خوش أقتراح ؟ ...... بس وثيقة التأمين على الحياة سويها من يمك بالنرويج .... ماشي يا حلو؟
أبو الزوايااااااااااااااااا...... خليني ساااااااكت
ههههههههههههههههه
و الله ألك وحشه

الزملاء الأعزاء جميعا .....أنا قبلكم تخرجت بست سنوات 1981 وأتذكر دكتور محمود عبد الرحمن أستاذنا بالولاده .....كان دائما يردد أثناء محاظرته كلمة أوكي ....تصل الى أكثر من 150 مره بالمحاظره الواحده...نحسبها له وهو منتبه لحسابنا لهذه الكلمه ويضحك وعندما يفوتنا الحساب هو الذي يقوم بتذكيرنا ويقول سجلوها .....كان أنسانا مؤدبا ومتواضعا جدا.....كان لديه سنة 1979 سياره مسكوفيج زرقاء اللون .....كان من القوميه التركماتيه.......تحياتي الحاره له وأنشاالله بأتم الصحه والعافيه

السلام عليكم
عزيزي د عزيز مشكور مرورك اخي العزيز
حارث الورد ههههههههههههههههههههههههه
عزيزي اي مو انته تعرف اشكد اني كلبي رهيف وما اتحمل اشوف بغداد بهذه الحاله والنوب تريدني اشوف الكليه صحراء قاحله. يعني تريدني اكعد بالشارع ابجي
اما اللي اشتاقلهم كلهم تركوا بصمات محفوره بذاكرتي ما انساها ابد او لوانساهم يعني انساك وانسى حذيفه ومهند وكل احبابنا ياحبيب
والله ميمنعني من زياره بغداد الا هذه الاسباب
اما من ناحية الدرابين والزوايا ؟؟؟؟؟؟؟؟؟؟؟؟؟؟؟؟ ايه والله اتمنى بعدها مثل ماهيه بمختبراتها. هاي فد مره الله يذكره بالخير عامر اسكندر من صار معيد فد يوم سالني كلي وليد متكلي الخاطر الله كم حذاء يسوف عندك بالسنه
حارث يعني هو بس اني ابو الدرابين والزوايا؟؟؟؟؟؟؟
يعني انته متذكر اشجار التوت(التكي) بوقت الربيع ها اذكرك ؟؟؟؟؟؟؟؟؟؟؟؟ لو اشجار الورود؟؟؟؟؟؟
تدري حارث اول متدخل كليه الطب البيطري ب اوسلو تشوف صور الاساتذه مرسومه بفرشاة الرسم من سنه 1898لحد يومنا هذا تكريما الهم
اي زين بيش تطلبني مو اني اخوك اي مدتسمع المفخخات والعبوات الناسفه بالعامريه تدك يوميه
عزيزي اروح انشاء الله وراح اسوي عزيمه بالنادي مال الكليه اعزم بيهه كل اخواننا وخواتنه المعارف والاصدقاء بس هاي من ترجع انته
انته تدري اشكد مشتاق الكم كلكم بدون استثناء
حارث صدك متعرف فارس فريد جرجيس وين بامريكا رحمه على روح ابوك شوفلياه وين بامريكا مشتاقله هوايه
تعرف اشد ارتاح من اسمع تعليقاتك واتخيلك كدامي
تحياتي ياورد

زملائي الاعزاء اصلا صورة الدكتور محمود عبد الرحمن موجودة لكن انتوا الظاهر تعبانين رجعوا لنفس الموقع وتحت عنوان منتسبي فرع الجراحة عام 1982 رح تشاهدون دكتور محمود واقف بعد دكتورة سروة حاليا رئيسة فرع الجراحة والتوليد وبين دكتورة نادية حنا الله يرحمها ودكتور حمزة شنين الله يرحمه تحياتي للجميع

عزيزي دكتور وليد اني هسة تذكرتك انت كنت من الاوائل على دورتك اني كنت بصف اول انت بالخامس ومرت الايام واجتمعنا بفرع واحد هو الفسلجة والادوية انت مرح تعرفني الكل بخير دكتور كامل غادر العراق عام 2008 الى امريكا ولم يعد دكتورة نضال نقلت خدماتها الى طب الكندي وبعدها الى شمال العراق اما الباقون د علي احيل على التقاعد وهو الان استاذ متمرس دكتور فريد اكمل مدة العمادة 4 سنوات وعاد كتدريسي الى الفرع دكتور دريد لازال كما هو الكل بخير واني هسة تذكرتك لان انت تغيرت هواية اول شي وين السكسوكة سانقل سلامك لكل الي تحبهم وتسال عليهم حتى الى ام فرح توحيد وقاسم العامل بعده شغال اكيد تذكرتهم سلامي الك وتمنياتي لك بالموفقية